/304/ sine rationis fulcro disputantur a modernis.
Caeterum, qui omnium optime de hoc argumento
scripserit, est Dominus Ioannes
Maria Ginochius, Clavaro-Genuensis, vir
sane Reipublicae Literariae colendissimus, in
suo celebri opusculo: De gratia et libero arbitrio.
EXERCITATIO XLVI
Respondet ultimae rationi.
Peccata in orbe sunt necessaria; a Deo
igitur efficiuntur.
Respondeo antecedens non modo esse
falsum, sed etiam implicatoria includere: in
formali namque ratione peccati includitur
liberum arbitrium et contingens. Hoc autem
necessario repugnat.
Qui apud nos habentur sapientiores
existimant universali inesse necessarium, qualibet
singulari existente contingenti. Veluti
haec «Quilibet homo existit» est necessaria;
quaelibet tamen eius singularis est contingens.
Et, si tu es, de necessitate es in aliquo
loco, cum tamen, quocunque loco assignato,
contingenter sis in eo. Consimiliter
aliquem peccare necesse est; quilibet tamen
peccans, contingenter peccat. Quare nostrae
rationi respondent necessitatem et contingentiam